Flísaleitarleiðangur og annað flakk

Ég var á ferð og flugi í dag.  Fór fyrst til Magneu vinkonu að skoða nýju íbúðina hennar.  Sú var aldeilis flott   Með yfirbyggðum svölum þar sem myndarlegur vínviður stendur með þremur klösum sem eru að verða þroskaðir. Hlakka mikið til að mæta á spilakvöld þegar flutningi lýkur   Til lukku Magnea og Haraldur !  Næst var svo farið í BYKO að skoða flísar fyrir baðherbergið.  Við Svanhildur systir vöppuðum upp og niður gangana og vorum eiginlega bestar í því að finna flísar sem hvorugri myndi nokkurn tímann detta í hug að kaupa.  Sáum samt nokkur "kannski" þarna.  Það sem mér fannst flottast var auðvitað dýrt - þarf vart að taka það fram (suk).  Stóð sjálfa mig að því að vera farin að kíkja á parket - sá ekki flísina fyrir framan mig en komin með bjálka í augað.  Þetta flísamál er að byrja að fara á sálina á mér, það verður þrautin þyngri að ákveða sig hvað á að kaupa !  Jæja, við slitum okkur burt og brunuðum í IKEA.  Þar tók ég loks af skarið og keypti mér hversdags matarstell.  Bara svona drappað, klassískt IKEA stell.  Nennti ekki að leita lengur, orðin leið á því að borða af pappadiskum.  Meira var nú ekki keypt í þessari ferð, en ég sá nokkur "kannski" þarna líka.  IKEA heimsókn í kortunum á næstunni, treystið mér.  Við lukum flakkinu með heimsókn til mömmu sem bauð upp á kaffi að venju.  Hahhahaah, mér gengur mjög vel að byrja aftur í kaffibindindinu mínu... NOT.  Best að fara að kúra, vinna á morgun og ég þarf að vakna fyrr til að koma unganum í leikskólann.  Smá myndband af Youtube fyrir ykkur sem kynnuð að þyrsta í fróðleik um bandaríska forseta. Tah dah !

Afslappað kvöld

Ég eyddi kvöldinu í afslöppun fyrir framan sjónvarpið.  Horfði á My big fat greek wedding.  Ósköp sæt mynd.  Ég væri líka alveg til í að giftast John Corbett.  Mér fannst alltaf svo ótrúverðugt í Sex and the City að Carrie ætti ekki að vera nógu ástfangin af honum sem Aidan. Come on !!!  Maðurinn er alger hönk !  Reyndi svo að neyða mig til að horfa á The tailor of Panama, en gafst upp.  Pierce Brosnan er jú flottur en ekki nógu flottur til að halda mér fastri yfir leiðinlegri mynd.  Fór því að leika mér á youtube, nýja uppáhaldsstaðnum mínum á netinu.  Áður en ég fer að lúra (stráksi vaknar fyrir kl.8, geeeeeisp) langar mig að deila með ykkur þessu bráðskemmtilega lagi úr þætti úr gamanmyndaflokknum Flight of the Conchords.  Góða nótt !

Steingrímur sætilíus í heimsókn um helgina

Í dag sótti ég stuðningsbarnið mitt hann Steingrím og verður hann hjá mér og Hildu um helgina.  Við mæðgur vorum til allrar lukku búnar að ryðja honum braut hérna í stofunni svo hann hefði eitthvað svæði til að leika sér á.  Á ganginum er enn nægt kassafargan, þó að til allrar lukku sé það farið að minnka.  Steingrímur mun svo skreppa aðeins með mér í vinnuna í fyrramálið, en við heilbrigðisfulltrúarnir erum að fara að hlusta á skothvelli á morgun (ekki spyrja, þið viljið ekki vita meira).  Áfram verður tekið úr kössum á morgun og hver veit, kannski getur litli karlinn leikið sér á ganginum á sunnudaginn   Nánari fréttir og fleiri myndir af gaurnum eru á www.steingrimurpall.blogspot.com.

Loksins eitthvað að gerast !!

Mín ástkæra einkadóttir kom heim í dag og réðist á kassafjallið og húsgögnin af miklum ákafa.  Og viti menn !!  Það sést í íbúðina !!!  Komin mynd á stofuna og kössum aðeins fækkað.  Hægt að ganga um núna án þess að hafa áhyggjur af því að deyja vegna kassahruns.  HÚRRA !!!  Ungfrúin var verðlaunuð með súkkulaði fyrir dugnaðinn.  Hún verður hér í viku svo ég geri ráð fyrir því að nú fari hlutirnir virkilega að gerast.  Jibbí, við munum sigra kassana saman !!  Þá er næst að gera upp baðherbergið... þekkir einhver góðan flísaleggjara og pípara ?  Læt fljóta með mynd af okkur mæðgum sem Gunnella tók í Japan.  Erum við ekki sætar ?

 

 

Kassadama

Ein í kassa, passa

að missa ekki vitið

Fer að krassa, trassa

og get ekki upp litið

* * * * * * * * * * * * * *

Allt er á tjá og tundri

ætli nokkurn undri

þó ég fríki út

af sorg og sút

Þarf kannski ekki að taka það fram en ég er s.s. að brjálast á hve hægt gengur að ganga frá og gera íbúðina byggilega.  Ef ég fer að tala tungum hér á blogginu vitið þið ástæðuna.

Spiderman drengirnir - taka 2 !

Takk fyrir hjálpina Gurrí, nú get ég póstað fleiri myndir   Og hér eru myndir af sætustu frændum í heimi í Spiderman búningum !

Spiderman x 2 !

Í dag varð Óli litli frændi minn 3 ára og af því tilefni færði ég honum afmælispakka áðan.  Steinar litli bróðir hans varð 2 ára 1. ágúst og fékk líka síðbúinn pakka.  Í pökkunum leyndust Spiderman búningar, en Óla hafði dreymt lengi um að eignast einn slíkan .  Þeir bræður æddu um allt í búningunum og voru ekkert kátir yfir því að þurfa að fara úr þeim þegar kom að því að fá sér afmæliskaffið.  Ætlaði að setja hér mynd með en því miður hefur Moggabloggið ekki leyft mér að pósta neinar myndir lengi ??  Gengur ekkert að hlaða inn myndum úr tölvunni, veit einhver hvernig á að sigrast á því vandamáli ?

Það er svo margt undarlegt í veröldinni...

Er að bisa við að raða úr kössum inn í eldhússkápana.  Gorgl, þetta tekur endalausan tíma !  Kassafjallið á ganginum glottir glaðlega til mín í hvert skipti sem ég kem inn, er ekki frá því að glottið verði illgirnislegra með hverri mínútunni sem líður... Anyways, hér sit ég ein og vafra um netið mér til skemmtunar. Vissuð þið að Bond myndin Thunderball heitir "Åskbollen" á sænsku ?? Bwahahahahha, sænska er fyndið mál   Það er fleira undarlegt að finna á vefnum, t.d. á danskri vefsíðu fann ég myndaseríu af stúlkum að hnusa af boxer nærbuxum.. argh ?  Og svo er það fréttin um dómarann í USA sem krefst 300 miljón dollara í skaðabætur vegna þess að fatahreinsun týndi buxunum hans.  Það besta er að búið er að finna buxurnar aftur fyrir löngu og búið að vísa málinu frá, klikkhausinn er búinn að áfrýja og heldur bara áfram.  Han må være syg i hovedet !!  Fyndnari er fréttin um breska lögreglumanninn sem hafði mök við konu á skrifstofunni sinni á vinnutíma, en passaði sig á því að hafa þráðlausa heyrnartólið á sér svo hann gæti svarað neyðarhringingum.  Konuna hitti hann á vefsíðu fyrir fólk sem verður kynferðislega æst af einkennisbúningum...  Lögreglumaðurinn náðist á eftirlitsmyndavél og getur því misst vinnuna   Blessað netið, manni leiðist ekki meðan maður hefur það !

Loksins komin í samband við umheiminn - og búin að taka frí í heila viku!

Jæja, nú er komin sía á símalínuna og því er netsambandið komið á fyrir fullt og allt.  Amen og halelúja !  Í dag komu svo tveir indælir viðgerðarmenn og gerðu loftnetstengilinn svo nú sé ég sjónvarpið.  Jibbí !!  Vitið þið hvert vandamálið var ?  Jú, nágrannar mínir á hæðinni fyrir ofan höfðu verið að leika sér í heimaviðgerðum og tekið kapalinn minn úr sambandi.  Þau höfðu hreinlega tengt sjónvarpið sitt beint inn í kapalinn í veggnum og ekki fattað að þetta myndi hafa áhrif á sjónvarpið annarsstaðar.  Konan sem ég keypti af tók ekki eftir neinu þar sem að hún var með Skjáinn í gegnum adsl.  Kostaði 5000 kr - sem ég mun rukka nágrannana góðu þegar þau koma heim úr fríinu í Júgóslavíu.  Fnys.  Undanfarna viku er ég búin að njóta lífsins í sumarbústað við Hreðavatn.  Mamma, Hilda og Guðlaug voru hjá mér allan tímann en Svanhildur, Ragnar og drengirnir voru yfir helgina.  Það var ljúft að slappa af, fara í pottinn og borða góðan mat.  Við fórum líka og heimsóttum Svövu frænku mína í veiðihús í Haukadalnum (þeim Haukadal sem er rétt hjá Búðardal).  Ég notaði tækifærið og heimsótti Búðardal í fyrsta sinn... weeeeheeeee...  Svo í gær fórum við upp á Snæfellsnes og stoppuðum aðeins á Stykkishólmi. Við keyrðum svo umhverfis nesið og nutum þess að skoða náttúruna í glampandi sólskini.  Þetta var endurnærandi dvöl, en ég er samt kát að vera komin heim.  Nú tekur við vinnan við að taka upp úr kössum og raða.  Argh !!  Amk vita allir hvað ég verð að gera næstu vikurnar ! 

Þetta er að klárast !

Jæja, þá er bara eftir að mála eldhúsið !  Júhú!  Svo er auðvitað eftir að gera upp baðherbergið en ég get samt flutt inn, no prob.  Home sweet home