Engin íbúð - en skemmtilegt grímuball

Það tókst ekki að sannfæra erfiðu systurina yfir helgina.  Svo nú er íbúðin góða komin úr sölu og hvorki ég né annar getur keypt hana.  Ég fór inn á fasteignavefinn í dag og það er nákvæmlega EKKERT spennandi í mínum verðflokki til sölu.  Ef ég næði í þessa leiðindakonu myndi ég ekki fara um hana mjúkum höndum !  En ég fór á dúndur grímuball um helgina og náði það að bæta geðheilsuna. Ég fór sem brúður Frankensteins   Því miður neitar myndavélin að hlaða myndunum inn í tölvuna svo myndbirting verður að bíða betri tíma.  Best að fara að lúra og hætta að hugsa um viðvarandi húsnæðisleysi !!!  Kannski get ég fundið Frankenstein og flutt inn til hans ?

Athugasemdir

[puff fish (IP-tala skráð) 8.5.2007 kl. 22:02]

Hmmmm... Frankenstein segirðu, er það nú ekki full mikil svartsýni elskan. Ég meina, hver vill búa með manni með notaðan heila og pinna í hálsinum þegar maður getur fengið karlmann með ónotaðan heila og pinna í tungunni á næstu krá?

[Svava S. Steinars, 9.5.2007 kl. 00:03]

Hehehe vel mælt kæri Puff fish   Best að fara á röltið

[Steingerður Steinarsdóttir, 9.5.2007 kl. 11:22]

Ó minn kæri Ágústín, allt er horfið burtu. Er ekki ráð að þér veðrið yður upp við einhvern svínahirði. Það væri alveg rakið í ljós starfs yðar.