Sunnudagsbíltúr upp í Kjós og á Þingvelli

Kristín vinkona kom með Dodda son sin í heimsókn í morgun.  Hún kom með góðgæti handa okkur Steingrími, brauð með túnfiskssalati og gómsætt vínarbrauð, ekki slæm byrjun á deginum.  Svo settumst við upp í bílinn og héldum í sunnudagsbíltúr.  Við keyrðum fyrst upp í Kjós og stoppuðum þar og skoðuðum litla sveitakirkju á Reynivöllum.  Doddi litli sá hvítu rúllubaggana á túni við kirkjuna og var ekkert smá glaður, hélt þetta væru risastórir boltar.  Honum tókst þó ekki að bifa þeim en honum fannst frábært að skoðað þá.  Svo keyrðum við yfir á Þingvelli og skoðuðum (ásamt fjölda annarra forvitinna) rústirnar af Valhöll.  Frekar sorglegt að sjá þetta.  Veðrið á Þingvöllum var alveg einstakt, það var svo heitt að það var eins og maður væri í hitabeltinu.  Við fórum svo niður að ánni og sáum gæsir og stokkönd með unga.  Töltum svo að kirkjunni en það var athöfn þar í gangi svo við gátum ekki skoðað hana.  Við kíktum aðeins á gamla kirkjugarðinn en svo fór ég til að ná í bílinn svo strákarnir þyrftu ekki labba alla leið til baka.  Ég ætlaði aðeins að bakka bílnum inn á göngustíginn svo við trufluðum ekki umferðina meðan við værum að setja strákana í bílinn.  Nema hvað... ég fór næstum ooof langt!  Ég var næstum búin að enda ofan í Öxará.  Hefði verið alveg dæmigerð ég... Duuuu!  Mér tókst að koma okkur lifandi í bæinn og við enduðum á rjómapönnukökum heima hjá Kristínu.  Mmmmm, ekki slæmt.  Frábær helgi að baki !

Dásamleg sigling um Breiðafjörðinn

Í gær fórum við Hilda ásamt Steingrími, Krístínu vinkonu og krökkunum hennar, þeim Dodda og Helgu, í siglingu um Breiðafjörð.  Við lögðum í hann kl. 11 og brunuðum upp á Snæfellsnes.  Veðrið var frábært og þegar við komum að höfninni á Stykkishólmi var steikjandi hiti.  Við settumst öll saman við gömlu húsin við höfnina og borðuðum nesti áður en farið var í bátinn.  Steingrímur reyndi að stinga af en var alltaf veiddur aftur   Svo fórum við í bátinn og lögðum í hann.  Við sátum úti alla ferðina enda yndislegt veður.  Við skoðuðum nokkrar eyjar, sumar með fallegu stuðlabergi og allar með iðandi fuglalífi.  Við sáum lunda, skarfa, teistur, ritur og fýla en hápunkturinn var þegar við sáum haförn með einn unga á einni eyjunni.  Ekkert smá flottur   Steingrímur skemmti sér konunglega og hló glaðlega stóran hluta ferðarinnar.  Svo var hent út litlum plógi og dreginn upp slatti af hörpudisk og ígulkerjum.  Ég hakkaði í mig hráan hörpudisk en Kristín vinkona sagði pass, hehe.  Ég fór í svona ferð fyrir 7 árum, sú ferð var líka frábær en veðrið var enn betra núna.  Við brunuðum svo aftur í bæinn, sæl eftir frábæran dag.  Lítill Steingrímur steinsofnaði um leið og ég lagði hann á koddann!  Hér eru nokkrar myndir frá deginum

Spennandi helgi framundan

Steingrímur litli verður hjá mér um helgina og við ákváðum að skella okkur í siglingu um Breiðafjörðinn á morgun.  Kristín Anna vinkona fer með og tveir af krökkunum hennar, Hilda verður líka með okkur Steingrími.  Svo er ég að hugsa um að fara upp í Heiðmörk á sunnudaginn, fer eftir veðri og vindum.  Verður örugglega stuð og ég lofa að pósta myndir frá helginni hér :)  Hér til vinstri er tengill inn á síðuna hans Steingríms en þar mun ég birta fleiri myndir.

Við Ólöf í eftirliti

Ekki dauð!

Bloggleti hefur hrjáð mig undanfarið, þýðir samt ekki að ég sé dauð og grafin   Lofa nýjum færslum með myndum fljótlega.  Þangað til.. bless!

Í lystigarðinum á Akureyri

 

 

 

 

 

 

 

 

 

 

 

 

Útilega í Fossatúni

Á laugardaginn skellti ég mér í útilegu í Fossatún rétt við Hvanneyri, ásamt nokkrum vinkvensum og börnunum þeirra.  Sonja vinkona kippti líka karlinum sínum með   Ég fór með Sif og stelpunum hennar og fékk að gista í fína nýja tjaldvagninum þeirra.  Gunna, Harpa, Sonja og Alla voru þarna með okkur.  Veðrið var fínt og stemningin góð.  Við Sif lentum aðeins í basli með einnota grillið en það var ekkert sem smá kveikilögur gat ekki lagað.  Krakkarnir léku sér hæstánægð á leiksvæðinu, þar var kastali og mörg lítil trampólín, einnig stórt minigolf svæði.  Mikið var borðað af grillmat, snakki og stöku bjór slátrað í leiðinni.  Frábær ferð, ekki spurning að skella sér aftur sem fyrst.

Dásamleg ferð um Norðurland

Fyrir rúmri viku skellti ég mér til Ólafsfjarðar með Hildu, Svanhildi systur, Ragnari manninum hennar og sætustu frændum í heimi, þeim Óla og Steinari.  Við gistum í gömlu húsi rétt fyrir utan bæinn, sem stóð í hlíð fyrir ofan Ólafsfjarðarvatnið.  Frábært útsýni, dásamlega fallegt á kvöldin að horfa út að þorpinu þegar sólin var að setjast, fjöllin spegluðust í vatninu og skýin loguðu í mismunandi litum.  Eigandi hússins er greinilega nokkuð sérvitur, í því var dágott safn af gömlum þvottavélum, eldavélum, hraðsuðukötlum, hrærivélum og vogum.  Það að safna gömlum heimilistækjum er ansi sérstakt áhugamál!  María vinkona býr á Ólafsfirði og bauð hún okkur í kaffi einn daginn, okkur til gleði og ánægju.  Strákunum fannst ekki leiðinlegt að hitta Björn son hennar sem er á sama aldri.  Við ferðuðumst um svæðið vítt og breitt.  Auðvitað var farið inn á Akureyri, borðaður Brynjuís og farið í lystigarðinn.  Svo fórum við inn á Siglufjörð og skoðuðum Síldarminjasafnið.  Það var afar áhugavert, sjá gömlu tækin, fatnaðinn og aðbúnað verkafólksins.  Það var ótrúlegt að sjá gamlar ljósmyndir þar sem himinháar tunnustæður þöktu hverja bryggju!  Næst var haldið á Hofsós og þar skoðuðum við Vesturfarasetrið.  Það var mjög áhugavert að sjá sögu fólksins, myndir af nýja lífinu í Ameríku og sjá gömul sendibréf.  Sama dag fórum við til Dalvíkur og þar fóru allir í sund nema við systur, sem rúntuðu um bæinn og borðuðum ís í staðinn :)  Síðasta daginn okkar fórum við til Árskógssands og sigldum þaðan út í Hrísey.  Þar snæddum við á veitingahúsinu Brekku, töltum um þorpið, skoðuðum kirkjuna og hittum ógrynni af stelkum og jaðrakönum í móunum fyrir ofan þorpið.  Á heimleiðinni sáum við Hilda branduglu við Dalvík, gaman að sjá svona sjaldséðan fugl  Síðasta daginn, föstudag, var svo brunað í bæinn.  Frábær ferð í alla staði enda fallegt á Norðurlandi.

Um daginn í Grasagarðinum :)

Eftir að hafa hitt Dalai Lama um daginn skruppum við Steingrímur í Grasagarðinn og hittum Hildu, pabba hennar og bræður.  Raggi var með myndavélina sína fínu og smellti m.a. af nokkrum myndum af mér og Steingrími.  Það var glimrandi veður þennan dag og dásamlegt að vera þarna á röltinu.  Birti hér nokkrar af myndunum hans Ragga :)

 

 

 

 

 

 

 

 

Svalaræktin

Hér eru myndir af rabbabaranum og rhododendron plöntunni minni á svölunum.  Þetta dafnar vel!