Snjór ?? Ertu ekki að kidda mig?

Ég trúði ekki mínum eigin augum í gærkvöldi.  Jörð orðin alhvít 2. október !! Ég rak líka upp stór augu í morgun þegar ég sá það magn af snjó sem huldi bílinn minn.  Það tók eilífðartíma að skafa hann þar sem að snjórinn var harðfrosinn á rúðunum.  Ég náði ekki einu sinni að losa aðra rúðuþurrkuna.  Til allrar lukku er stutt í vinnuna, því það var ansi hált.  Mesta hættan reyndist vera brekkan niður í bílageymsluna sem var ekki söltuð og því flughál.  Bíllinn sem fór á undan mér niður dansaði fram og til baka en ég komst niður tiltölulega vandræðalaust.  Uss uss uss!  Alltaf kemur veturinn manni jafnmikið á óvart.  Upp með húfuna og vettlingana, halló síðu nærbuxur