Jardskjalftinn fannst vel a Marmaris !!!

Eg vaknadi rett fyrir kl. half 7 i morgun og la dormandi i ruminu thegar jardskjalftinn reid yfir !!  Otrulega kröftugur, rumid okkar Hildu hristist og allt lek a reidiskjalfi !! Tha hefur madur profad ad upplifa jardskjalfta i ödru landi, bara gaman ! (fyrst hotelid hrundi ekki)  Thad fyndna var ad margir höfdu einmitt vaknad rett adur en ad skjalftinn reid yfir, aetli madur finni svona a ser ?  Thessi ferd verdur alltaf meira ahugaverd, hvad aetli gerist naest ??

Jarðskjálfti á Rhodos

Sol, saela, solbruni og selur !

Thad er gaman i Tyrklandi!  Ad visu er frekar heitt, um 40 gradur flesta dagana, en thad er ekkert sem kaldur Efes og sundlaugin geta ekki lagad  Vid erum aldeilis buin ad njota lifsins her og enn er vika eftir.  Allt er hreint og snyrtilegt her, god thjonusta og godur matur.  Forum a besta indverska stad sem eg hef kynnst nuna um daginn, allir fengu himneskan mat.  Mmmm, förum örugglega thangad aftur!  Vid forum svo i siglingu um Gökova floa a laugardaginn.  Stoppad var vid fimm badstrendur og vid syntum i sjonum og skodudum igulker og flotta fiska.  Hapunktur ferdarinnar var hinsvegar thegar selur kom og for ad leika vid folkid a einni ströndinni.  Eg var ad svamla dalitid i burtu og heyrdi allt i einu einhver laeti a ströndinni.  Svo heyrdi eg Hildu kalla: Selur mamma selur !!  Eg sa svartan skugga nalgast mig a ognarhrada og svo stökk selurinn upp a öxlina a mer !!  Eg horfdi skyndilega a storan haus med dökk augu, breida kampa med stifum gulum burstum og kruttlegt nef   Eg nadi ad taka utan um hann, klappa honum um hausinn og a bakinu adur en hann synti burt.  Frabaert !! Steinka systir a eftir ad deyja ur öfund.  Eg nadı tvi midur ad brenna a bakinu i thessari ferd og verd tvi ad fara varlega naestu daga.  Steig reyndar lika a igulker, ekki thaegilegt !  En allt er gott her, meira sidar !!

Farin til Tyrklands!

Jæja, þá er komið að Tyrklandsferðinni!  Við fljúgum kl. 8:30 í fyrramálið til Marmaris, í 40 stiga hita!  Ég sé fram á að eyða tímanum á kafi í lauginni, inni í minibarnum eða ofan í frystikistunni í eldhúsi hótelsins til að kæla mig.  Ég ætla einnig að kynnast tyrkneska bjórnum Efes Pilsen sem verður örugglega orðinn góður vinur minn í lok ferðar.  Skjáumst síðar gott fólk !

Fallegur næturhiminn :)

Leit út um gluggann minn kl. 00:30 og ótrúlegir litir blöstu við.  Himininn var ýmist appelsínugulur, gylltur, fjólublár eða bleikur.  Tók myndir bæði fyrir framan og aftan hús, lýsa þessu ekki nógu vel en gefa hugmynd.

 

 

 

 

 

 

 

Jón og Óskar - ofdekraðar stökkmýs

Mér er tíðrætt um dýragarðinn minn og hef oft á tíðum birt myndir af minni ástkæru kanínu.  Skjaldbakan og jafnvel engispretta hafa fengið sínar myndir.  En félagarnir knáu, þeir Jón og Óskar hafa ekki verið festir á filmu minniskort fyrr en í kvöld !! Hér er afraksturinn

Súpusprengingin mikla

Um daginn ákvað ég af myndarskap mínum að sjóða grænmetissúpu til að taka með sem nesti í vinnuna.  Ég bjó til nóg til að geta fryst fleiri skammta til að eiga til góða.  Ég jós súpunni í ílát og var eitthvað að vesenast meðan hún var að kólna.  Loks taldi ég að hægt væri að loka ílátunum og setja þau í frystinn og ísskápinn.  Vel gekk með það sem fór í frystinn, það hagaði sér allt skikkanlega.  Vandræðin byrjuðu þegar ég smellti Tupperware skálinni með lokinu inn í kælinn.... Á því augnabliki sem ég setti skálina inn þeyttist lokið af með háum smell og súpan spýttist út um allan ísskáp.  Drjúgur skammtur lenti á mér og strax myndaðist myndarlegur pollur á gólfinu.  Fyrst stóð ég og starði.  Síðan viðhafði ég orðbragð sem ekki hæfir dömu (en þar sem ég er engin dama var þetta bara allt í lagi).  Það var ótrúlegt hve mikið af súpu var í þessari blessuðu skál.  Þegar hún var sloppin út var eins og um tugi lítra væri að ræða.  Ég þurfti að þurrka, þrífa og skola allt í 2 m radíus frá ísskápnum.  Á kálfanum á mér kúrði eitt klettasalatsblað og á ristinni á mér var blómkál.  Eftir mikinn barning lauk þrifunum og er ísskápurinn nú glansandi hreinn og flottur.  Hagsýna og hæfileikaríka húsmóðirin brá sér í sturtu.  Kannski var súpan enn of heit...?

Fólkið mitt og fleiri dýr :)

Engisprettan varð ekki langlíf.  Hún kom niður í vinnu þar sem hún var aðskotahlutur í salatpoka.  Kúnninn kom með poka með ræflinum í, í honum hírðist hún allan daginn en þegar átti að henda henni í ruslið í lok dagsins ákvað ég að taka hana með.  Hún fékk eina kvöldstund þar sem hún smjattaði á salati, eftir langt ferðalag með viðdvöl í salatþvottavél.  Næsta dag var hún farin á vit feðra sinna, en hlaut amk hægt andlát, umkringd vinum   Af öðrum dýrum er það að frétta að með aukinni sól sem skín inn í stofuna hefur sóldýrkandi nokkur komið út úr skápnum.  Skjaldbakan Inspector Clouseau skríður gjarnan upp á stein í búrinu sínu, dregur undir sig fæturnar, lygnir aftur augunum og nýtur sólarinnar.  Hef ekki náð mynd af þessu enn þar sem hann hefur góða heyrn og er leiftursnöggur að láta sig hverfa þegar ég nálgast.  En hér er samt ein mynd af honum á leiðinni í vatnið.  Fór í heimsókn til Svanhildar systur í gær og þar voru bræðurnir Óli og Steinar í góðum gír. Erfiðlega gekk að fá þá til að vera kyrra í rúminu meðan báðir voru í sama herbergi.  Um leið og þeir voru aðskildir sofnuðu þeir um hæl.  Ómótstæðilegir litlir óþekktarormar!  Voru að á nýja íþróttaálfsbúninga, lofa að birta myndir bráðlega !

Nýtt gæludýr - engispretta

Enn bætist í dýragarðinn.  Í eldhúsinu kúrir engispretta og borðar salat.  Löng saga.  Meira seinna

Pylsa með hundasúrum

Skrapp í Viðey í eftirmiðdaginn með fólki úr vinnunni.  Við grilluðum pylsur og ég borðaði mínar með hundasúrum.  Og já, pylsan var ansi góð með hundasúrum.  Og nei, ég er ekki klikk! 

Yndislega Köben :)

Var í Köben í 3 daga.  Fór í starfsviðtal þann 17., fékk því miður ekki starfið en fékk þó ferðina frítt   Skemmti mér konunglega með vinum mínum og kynntist m.a. pöbbnum Den tatoverede enke sem sérhæfir sig í belgískum bjór.  Stuuuð !  Ég gisti hjá Hildi og Sören vinum mínum og fékk að njóta snilldar hans í matargerð á mánudaginn.  Mmmmmmmm!  Við Hildur spiluðum á fullu enda þarf að nota svona tækifæri þegar þau gefast !!  Á þriðjudaginn fórum við og borðuðum á indverskum veitingastað með Jakobi vini mínum og spiluðum svo strákar-á-móti stelpum Trivial Pursuit (einnig íslendingar-á-móti-dönum).  Danskt TP athugið það !  Strákarnir unnu á endasprettinum, okkur vantaði bara eina köku (helv. brúna kakan!).  En hey, fyrst ég gat svarað spurningunni um danskan söngdúet sem fékk samning árið 1994 get ég nú haldið höfðinu hátt !  Veðrið var fínt þessa 3 daga og ég brá mér m.a. á minn uppáhaldsstað, Botanisk have.  Hér með fylgja nokkrar myndir :)