Vér mótmælum allir!!

Ég fór niður á Austurvöll í kvöld og tók þátt í mótmælunum.  Stöðugur trommusláttur og köllin: Vanhæf ríkisstjórn! yljuðu mér um hjartaræturnar (bálið yljaði mér líka vel).  Mér þótti leitt að sjá eggin, sóðaskapinn og rúðubrotin í gamla Alþingishúsinu, get aldrei tekið undir skemmdarverk.  En samstaðan sem þarna var, skilaboðin sem hömruð voru aftur og aftur - svona eiga mótmæli að vera!  Þarna var fólk á öllum aldri og þjóðfélagsstigum, frægir, ungir, æstir og gamlir.  Geir og co. eru í svipaðri stöðu og föruneyti hringsins var í myrkviðum Moriu.  Fastir á dimmum stað og trommusláttur berst úr djúpinu.  Bomm bomm bommm kæra ríkisstjórn! 

 

Athugasemdir

[Helga Guðrún og Halldór Pálmar, 21.1.2009 kl. 22:42]

Já tek undir þetta, bommbommbomm!!
Myndin er alveg frábær, með bæði fánann og bálið í baksýn. Og svo er þú svo sæt á henni

[Rebbý, 22.1.2009 kl. 22:56]

besta mál að mótmæla, en helv eru nokkrir orðnir æstir og skemma með því fyrir okkur hinum.

[Huld (IP-tala skráð) 23.1.2009 kl. 00:25]

Til hamingju med dotturina og vid Islendingar erlendis motmaelum med ykkur i huga i hjarta. :)

knus

Huld

[Steingerður Steinarsdóttir, 26.1.2009 kl. 19:57]

Já, og nú er hún fallin. Þá ríður á að reka smiðshöggið á boðskapinn og reka alla gömlu flokkana frá. Við þurfum Nýtt lýðveldi.