Stolt móðir fermingarbarns !

Jæja, þá er búið að ferma einkadótturina.  Og ég var ekki lostin eldingu þó að ég færi upp að altarinu með henni.  Eina áfallið var tyggjóklessan í messuskránni minni.  Hilda leit út eins og engill og geislaði alveg af gleði eftir að athöfninni lauk.  Veislan er eftir - hún er kl. 18.  Svo nú er bara að bíða og slappa af.

Athugasemdir

[Guðríður Hrefna Haraldsdóttir, 25.3.2007 kl. 20:00]

Innilega til hamingju! Ef spákonan hefur rétt fyrir sér muntu bráðlega hitta góðan mann og hlaða niður öðru barni með honum!

[Sigurður Ásbjörnsson, 25.3.2007 kl. 23:38]

Til hamingju!

[Kristín (IP-tala skráð) 26.3.2007 kl. 13:20]

Takk fyrir síðast, frábær veislan og Hilda gullfalleg eins og Kristín vinkona mömmunnar!  En stóra spurningin er, stendur kirkjan í ljósum logum eða er hún enn á sínum stað og heil?

 kveðja

Kristín Anna

[Steingerður Steinarsdóttir, 26.3.2007 kl. 14:55]

Hvaða spákonu er Gurrí að vitna í? Er von á einhverjum draumaprinsi án þess að ég hafi heyrt á það minnst?

[Guðný Anna Arnþórsdóttir, 7.4.2007 kl. 01:09]

Til lukku með stelpuna; hún er ferlega sæt.