Nýir meðlimir Tuborg fjölskyldunnar

Tuborg Grön hefur eignast litla bræður, þá Blå og Hvid.  Ég býð þá hjartanlega velkomna í fjölskylduna og get ekki beðið eftir að kynnast þeim.  Eftir námsárin í Danmörku hef ég haldið góðu sambandi við Tuborg fjölskylduna og Guld og Classic, frændur Grön, hafa fengið að kíkja í heimsókn af og til.  Grön sjálfur er reglulegur gestur, m.a. á bjórkvöldum í vinnunni.  Påskebryg og Julebryg eru fjarskyldari ættingjar sem líta við einu sinni á ári, en alltaf reyni ég að taka hlýlega á móti þeim.  Ég tek frá pláss í ísskápnum fyrir nýju strákana, en best væri auðvitað að skella sér til Köben og hitta þá á heimavelli

Blár og hvítur Tuborg til liðs við þann græna

Athugasemdir

[Guðríður Hrefna Haraldsdóttir, 6.2.2007 kl. 21:52]

Mikið ertu glöð yfir brennivíni!!! Heheheheh ... ég þarf að smakka!

Húsið fyllist hjá mér á sunnudaginn, veldu annan dag til að halda geðheilsunni! Hvernig er laugardagurinn? 

[Sif (IP-tala skráð) 6.2.2007 kl. 22:13]

Ég veit nú ekki eftir handboltaleikinn þarna um daginn. Reyndar var það huggun að þeir skyldu bragða á eigin meðali á móti Pólverjum!! Svo kannski maður haldi áfram að drekka danskan bjór....

[Svava S. Steinars, 6.2.2007 kl. 23:42]

Hehheh, látum danska bjórinn ekki gjalda, hann er of góður til að sleppa honum!

[Steingerður Steinarsdóttir, 7.2.2007 kl. 09:29]

Já, elsku Svabbi minn. Það getur verið reglulega erfitt að halda í við fjölskylduna þegar svona mikil fjölgun er. En ég hef trú á þér. Þú getur þetta.