Svava S. Steinarsdóttir

1.6.2008 | 19:54

Góð helgi í góðu veðri

Steingrímur litli var hjá mér um helgina og við skruppum í Fjölskyldu- og húsdýragarðinn á laugardaginn. Veðrið var alveg glimrandi og ekki of mikið af fólki á ferðinni. Steingrímur brunaði um allt og klifraði upp í leiktækin alveg óhræddur. Það var mjög gaman að sjá hversu duglegur hann er orðinn, hann gekk jafnt á grasi, möl og gúmmímottu. Svanhildur systir var þarna með bræðurna Óla og Steinar sem voru að venju í góðu stuði. Þeir léku sér kátir um allt, stungu meira að segja af inn í skóg einu sinni Tounge Litlir prakkarar, híhí. Strákarnir fengu svo ís til að kæla sig niður áður en heim var haldið. Sif og Huld vinkonur mínar áttu afmæli í gær, til lukku stelpur, rétt rúmlega tvítugar báðar Cool Við Steingrímur kíktum á Sif í dag og hittum líka systurnar Örnu og Eyrúnu sem voru í góðum gír. Sérstaklega var gaman hjá Örnu að stríða systur sinni með því að vera fyrir þegar hún var að horfa á Stubbana. Við kvöddum svo familíuna sem er á leið til útlanda með ósk um góða skemmtun úti. Við Steingrímur slöppuðum síðan af í eftirmiðdaginn og sofnaði hann eins og steinn núna hálf átta. Top Gear bíður mín, jibbí Smile Góð helgi að baki.