Leikið með dót - ekki búin til dótasúpa

Ég brá mér í heimsókn til mömmu á laugardaginn með Steingrím litla.  Sif vinkona kom líka með dóttur sína Örnu Ösp.  Mamma dró strax fram fullt af dóti sem sú stutta fór að leika sér að.  Okkur mömmu fannst gaman að sjá Örnu leika sér að dótinu enda aðeins öðruvísi aðfarir þegar bræðurnir Óli og Steinar eru að leika sér.  Þá er dótið venjulega út um allt gólf og kallar og annað dót fljúga gjarnan niður af borði ef þeim er stillt upp þar.  Arna lék sér hinsvegar stillt og góð og ekki eitt hæti endaði á gólfinu. Kynbundinn munur?  Eða eru bræðurnir bara orðnir leiðir á dótinu?  Eitt er víst að það tók styttri tíma að taka saman dótið eftir dömuna en herrana. 

Athugasemdir

[Steingerður Steinarsdóttir, 12.2.2008 kl. 09:32]

Ja, ég man nú eftir dömum í okkar fjölskyldu sem ekki víluðu fyrir sér að dreifa dóti út um allt. Kannski er þetta munur milli einstaklinga fremur en kynið.