Nú er úti veður vott - vindasamt líka

Það er ekki hægt að sofa fyrir veðrinu.  Það stendur beint á bakhliðina á blokkinni minni og vatnið spýtist inn um rifu á opnanlega faginu.   Það hvín og blístrar í öllu og stundum finn ég fyrir þrýstingi í eyrunum.  Ég kíkti á vef Vegagerðarinnar og Veðurstofunnar og úff, það eru 26 m/s hér í borginni !  Jahérnahér ! Meira en í óveðrinu fyrir tveimur dögum !  Ekki vildi ég vera á ferð uppi á Kjalarnesi eða Garðabæ núna, þar fara vindhviðurnar upp í 40 m/s !  Við kanínan kúrum okkur undir hlýrri sæng og prísum okkur sælar að vera innandyra.  Best að skipta um handklæði í glugganum og reyna svo að kúra.  Kári og kuldaboli verða að gefa mér séns á því einhverntíman !

Athugasemdir

[Steingerður Steinarsdóttir, 17.12.2007 kl. 16:47]

Þú verður að gera svo vel að rúlla þér upp með kanínunni í kvöld líka Svabbi minn. Nóg blæs núna.