Góðar gönguferðir

Undanfarna tvo daga hef ég skellt mér í gönguferðir með dóttur minni, Steinku systur og hundinum Freyju.  Veðrið hefur verið frábært, svalt end sólríkt.  Freyja lék á alls oddi og skemmti sér konunglega í feluleik með dóttur minni.  Svo skemmtilegur var feluleikurinn að ókunnugur hundur skellti sér með í leikinn.  Á skírdag fórum við hringinn í kringum Hvaleyrarvatn en á föstudaginn langa fórum við í Flekkuvík á Vatnsleysuströnd.  Á seinni staðnum sáum við flotta steina sem sjórinn hafði svorfið yfirborðið á í skemmtileg mynstur.  Þetta voru frábærar ferðir og hressandi jafnvel fyrir fótafúnu mig. 

Athugasemdir

[Steingerður Steinarsdóttir, 7.4.2007 kl. 12:01]

Æ, já þetta voru feykilega skemmtilegar gönguferðir.