Sex stungur á dag koma skapinu í lag

Skrapp til heimilislæknisins í morgun og þurfti að láta taka eina blóðprufu.  Sem blóðgjafi og atvinnusjúklingur/slysafíkill er ég alvön blóðtökum og skellti hendinni óhrædd fyrir framan lífeindafræðinginn (úff var næstum búin að skrifa meinatæknir, það hefði farið illa).  Þá byrjaði ballið.  Hún stakk mig en ekkert kom í nálina.  Þá fór hún að hræra í olbogabótinni með nálinni, í örvæntingafullri tilraun til að komast inn í æð.  Ekkert gekk, en sársaukinn var ólýsanlegur.  Hún baðst afsökunar og réðist svo á hægri hendina.  Þar var sama sagan, ekkert blóð kom og hún djöflaðist í mér fram og til baka með tilheyrandi kvölum.  Þú ert alltaf að kippa þér undan, sagði hún og horfði ásakandi á mig.  Ég hélt nú ekki !  Þá réðist hún á vinstri hendina aftur.  Eftir miklar kvalir og óþægindi náði hún loks að komast inn í æð og taka prufuna.  En það tók SEX stungur !  SEX takk fyrir !  Í ljós kom að daman hafði notað ónýta teygju um hendina og því ekki getað hert nógu vel að.  Reyndi svo að kenna mér um allt.  Mrrrrrrrd.  Get því bætt við mig nýju viðurnefni - götótta konan.

Athugasemdir

[Steingerður Steinarsdóttir, 16.2.2007 kl. 16:01]

Götótta mær

þér var reyndar fjandans nær

að stara á tækninn

og pirra lækninn

enda varð hann alveg ær.

[Guðríður Hrefna Haraldsdóttir, 17.2.2007 kl. 00:55]

Þér var nær að vera fundarstjóri!!!