Fljúgandi Jakob og sæt kríli

Steingrímur var ekki eina krílið sem ég fékk að sjá þessa helgina.  Ég brá mér í kaffi til Sifjar vinkonu í dag og hitti þar systurnar Örnu og Eyrúnu.  Eyrún var reyndar ekkert par hrifin af gestinum, vildi alls ekki horfa of mikið á mig og hélt fast í mömmu sína.  Arna var meira til í að spjalla og sendi gestinum leiftrandi bros... sum með kakóskeggi til áherslu   Næst fór ég heim til mömmu og þar voru Óli og Steinar í góðum gír að horfa á Múmínálfana.  Alltaf jafngaman að sjá þá bræður og alltaf sama fjörið í þeim.  Loks fór ég í kvöldmat heima hjá Kristínu vinkonu.  Hún bauð upp á Fljúgandi Jakob, æðislegan kjúklingarétt sem ég að sjálfsögðu át yfir mig af.  Stjarnan á því heimili er 4 mánaða og er kallaður Doddi.  Sá er með ómótstæðilegt bros og fína undirhöku   Ég fór því ánægð heim í kvöld, búin að fá að sjá fullt af krílum og borða góðan mat. Nú er best að fara að lúra með bros á vör.

Athugasemdir

[Rebbý, 22.1.2008 kl. 20:31]

Doddi virðist braggast vel - fullt af fallegum börnum í kringum þig - lucky you