Gæs næs !

Miss Hillbilly Alabama 2008 fær smokkablöðrurÍ gær gæsuðum við Cindy vinkonu en hún er að fara að Sölukonan á flugi :)gifta sig í USA í júní.   Þetta var alveg ofboðslega gaman og ekki bar á öðru en að fórnarlambið skemmti sér konunglega.  Við sömdum við Villa, verðandi eiginmanninn um að koma með dömuna í Kringluna kl. 3 fyrir framan Skífuna en þar ætluðum við að stela henni frá honum.  Röð atvika varð til þess að við misstum af henni í fyrstu umferð en við náðum að finna þau í Hagkaup og grípa fórnarlambið.  Fyrst áttaði hún sig ekki á því hvað var að gerast en Taugaveikluð í Fluggörðumþegar við vorum búnar að hengja á hana borðann með áletruninni: "Miss Hillbilly Alabama 2008" og réttum henni Hressar í fótabaði :Dsmokka fyllta með helíum sem hún átti að selja fór nú að renna upp fyrir henni ljós.  Nema hvað, af stað fór hún og reyndi að selja kringlugestum smokkablöðrurnar góðu.  Fólk brosti en var ekki til í að kaupa í fyrstu, en Cindy var líka alltof dugleg við að svífa á barnafólk svona í fyrstu umferð.  En henni tókst loks að selja alla smokkana, þar af voru tveir keyptir af miðaldra konum !  Vel af sér vikið, ef Cindy vill einhvern tímann hætta í kennarastarfinu er greinilegt að sölumennska er eitthvað sem hún er góð í.  Eftir smokkasöluna fórum við með hana í bílinn og sögðumst vera að fara með hana í Hvítir sexý leggir :Daðlögun..... Við stoppuðum svo við Hallgrímskirkju og fórum með hana upp í turninn.  Sögðum aðlögunina vera fólgna í því að venjast því að sjá borgina ofan frá... Cindy var nú farin að svitna.  Næst keyrðum við út í Fluggarða og stilltum okkur upp við hliðið Næs gæs !þar.  Cindy var orðin alvarlega hrædd um að fallhlífarstökk væri næst á dagskrá.  Við vorum hinsvegar að stríða henni og ætluðum að hætta þarna við hliðið en þá kom maður og hleypti okkur skælbrosandi inn á svæðið.  Það er nefnilega afar algengt að gæsa/steggjahópar komi þarna fyrir alls kyns grín.  Þegar við komum inn á svæðið var Cindy æ stressaðari með hverri sekúndu.  Við ljósmynduðum hana við eina flugvél og hættum svo að kvelja hana.  Það var afar fegin kona sem labbaði með okkur tilbaka í bílinn LoL   Næst var farið út í Gróttu en þar er steinn í fjörunni sem búið er að hola að innan og í rennur heitt vatn.  Þar fórum við í fótabað og skemmtum okkur konunglega.  Afar þægilegt og huggulegt.  Þá var haldið í Kópavoginn og farið í lasertag.  Þvílíkur æsingur sem greip okkur !!  Maður verður svo trylltur í þessu og verður afar blóðþyrstur.  Það voru því heitar og sveittar stelpur sem komu þar út.  Loks var farið heim til mín og þar eldaði Kristín vinkona dásamlegar lambalundir með sætum kartöflum og salati.  Eftirrétturinn var súkkulaðibúðingur a la Nigella með jarðarberjum og rjóma.  ÆÐISLEGT !! Kristín er snilldarkokkur Tounge  Svo var horft á Eurovision og spjallað og hlegið.  Okkar takmark var að Ísland yrði ofar en geimveran frá Svíþjóð og til allrar lukku tókst það.  Gæsin var orðin ansi hress af rósavíninu þegar hún hélt heim en var afar ánægð með daginn.  Það vorum við hinar líka.  Næs að vera gæs :)

« Síðasta færsla | Næsta færsla »

Athugasemdir

1 Smámynd: Rebbý

það var líka næs að vera gæs á mínum degi - kannaðist við hluta af þessu frá því þið tókuð mig í gegn

Rebbý, 26.5.2008 kl. 18:15

2 Smámynd: Steingerður Steinarsdóttir

Flottar myndir af ykkur. Við þurfum að bregða okkur í fótabað með tíkina Freyju.

Steingerður Steinarsdóttir, 27.5.2008 kl. 09:43

3 identicon

Skemmtilegt :)

Huld (IP-tala skráð) 27.5.2008 kl. 15:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband